មានលោកយាយម្នាក់ដែលថ្មីៗនេះភ្នែករបស់គាត់ងងឹតមើលអ្វីស្ទើមើលលែងឃើញទៅហើញគាត់មានកូនប្រុស៣នាក់ហើយពួកគេម្នាក់ៗចង់បង្ហាញថារូបគេជាកូនល្អជាងគេដូចនេះពួកគេក៏ខំរកវិធីផ្គប់ផ្គន់ម្ដាយរបស់ខ្លួនដោយទិញរបស់ជាអំណោយសំរាប់ថ្ងៃខួបកំណើតខាងមុខនេះ ៖
កូនទីមួយបានទិញផ្ទះវីឡាដ៏ធំស្កឹមស្កៃមួយមាន១៥បន្ទប់ឲ្យម្ដាយរបស់គេ ដោយគិតថាម្ដាយគេពិតជាពេញចិត្តព្រោះមានតែរូបគេទេដែលមានលទ្ធភាពទិញវីឡាដ៏ធំនេះឲ្យម្ដាយ។
កូនទីពីរបានទិញរថយន្តម៉ាកម៉ែកសឺដែសដ៏ថ្មីស្រឡាងមួយឲ្យម្ដាយព្រមទាំងជួលតៃកុងឡានម្នាក់ផងដែរដោយប្រាកដ៏ចិត្តថាគេនឹងទទួលបានការសរសើរថាជាកូនល្អជាងគេ។
ដោយឡែកកូនទីបីវិញគិតថាគួរតែធ្វើអ្វីដែលល្អជាងកូនទីមួយទីពីរទៀតដូចនេះគេក៏សំរេចចិត្តទិញសត្វសេកមួយដែលត្រូវបានគេបង្ហាត់យ៉ាងជំនាញអស់ជាង១៥ឆ្នាំមកហើយឲ្យចេះនិយាយ អានអក្សរ វាថែមទាំងចេះចាំរាល់ឃ្លាដែលមានក្នុងគម្ពីរធម៌ទាំងមូលផងដែរ។គេគិតថាម្ដាយរបស់គេនឹងពេញចិត្តសត្វសេកមួយនេះ។
ក្រោយថ្ងៃខួបកំណើតលោកយាយក៏ហៅកូនទាំងបីមកហើយនិយាយទៅកាន់កូនទីមួយថា ៖ "កូនម្ដាយផ្ទះដែលកូនបានទិញពិតជាស្អាតមែនប៉ុន្តែវាពិតជាធំពេកហើយសំរាប់ម្ដាយគឺម្ដាយរស់នៅតែក្នុងបន្ទប់មួយវាគ្រប់គ្រាន់ហើយផ្ទះនេះវាធំពេកពិបាកណាស់ក្នុងការថែរក្សាជូតសំអាត។ម្ដាយមិនត្រូវការផ្ទះដ៏ធំនេះទេតែម្ដាយអរគុណកូនច្រើនហើយ"។បន្ទាប់មកគាត់និយាយទៅកាន់កូនទីពីរថា ៖ "កូនសំលាញ់ឡានកូនទិញមកវាស្អាតមែនមានឧបករណ៍អ្វីៗសព្វគ្រប់និងទំនើបប៉ុន្តែម៉ែមិនចេះបើកឡានទេហើយក៏មិនចូលចិត្តតៃកុងឡានដែលកូនបានជួលមកដែរអញ្ចឹងយកឡាននេះឲ្យអ្នកលក់វិញទៅ"។ចុងក្រោយគាត់និយាយទៅកាន់កូនទីបីថា ៖ "កូនប្រុសម្ដាយអរគុណកូនខ្លាំងណាស់សំរាប់កាដូដែលកូនបានឲ្យម្ដាយពេញចិត្តណាស់ មាន់នេះវាតូចមែនតែមានរស់ជាតិឆ្ងាញ់!"៕
