ដើម្បីសុខភាព
លោកប៉ែត តែងតែមកផឹកប៊ីយែនៅបាមួយនេះជារៀងរាល់យប់យ៉ាងទៀងទាត់។ គាត់តែងតែកុម្ម៉ង់ម្ដង២កែវ។ គាត់ផឹកអស់២កែវ សុំថែម២កែវទៀត ។ ថ្ងៃមួយអ្នកលក់សួរគាត់ថា ៖ "ហេតុអ្វីក៏លោកចង់បានម្ដង២កែវ ម្ដេចមិនយកមួយកែវធំជំនួសវិញ?"។ លោកប៉ែត ៖ "អូ! ព្រោះខ្ញុំមិនចូលចិត្តផឹកម្នាក់ឯង! កែវនេះគឺកែវខ្ញុំ ឯកែវមួយទៀតគឺកែវមិត្តខ្ញុំ"។ ពីរ បីថ្ងៃក្រោយមកប៉ែតមកបានេះទៀត គាត់សុំប៊ីយែ១កែវ។ "មិត្តអ្នកស្លាប់មែនទេ?" អ្នកលក់សួរ។"អូ! អត់ទេគាត់សុខសប្បាយណាស់កែវនេះគឺសម្រាប់គាត់ លោកគ្រូពេទ្យលែងឲ្យខ្ញុំញ៉ាំប៊ីយែទៀតហើយ ខ្លាចមានគ្រោះថ្នាក់ដល់ជីវិត" លោកប៉ែតឆ្លើយ ។
ដកស្រង់ពី ៖ មហាសំណើច
