ថ្ងៃមួយ ដំរីញី និង ស្រមោចឈ្មោលបានជួបគ្នា។ ស្នេហាឃើញភ្លាមស្រលាញ់ភ្លែតក៏ចាប់កើតមាន ពួកគេបានក្លាយជាភរិយានិងស្វាមីក្នុងរាត្រីទឹកឃ្មុំដ៏សែនផ្អែមល្ហែម។ ព្រឹកឡើង ស្រមោចសែនរន្ធត់ យំសោកបោកខ្លួននៅពេលឃើញដំរីដេកស្លាប់ "ពុទ្ធោ!… នៅលើលោកនេះគ្មានយុត្តិធម៌សម្រាប់ស្រមោចទេ ខ្ញុំសប្បាយបានតែមួយយប់ តែត្រូវជីករណ្តៅកប់សពអស់មួយជិវិត"។
ដកស្រង់ពី៖ មហាសំណើច
បុរសម្នាក់លន់តួសុំសេចក្ដីស្នេហាពីនារីស្រស់ស្អាតម្នាក់ ។ បុរសប្រើស្ទីលរ៉ូម៉េនទិក ទាញដៃនារីមកដាក់លើទ្រូងខ្លួន ៖ " អូនស្ទាបបេះដូងបងមើល... វាកំពុងលោតខុសចង្វាក់ព្រោះភ្លើងស្នេហ៍ឆាបដុតរោល... " បុរសបន្តដោយវាចារមុតស្រួចទន់ដូចសំឡី ៖ " អួនសម្លឹងកែវភ្នែកបងមក តើអូនឃើញអ្វី ? " ។ នារីឆ្លើយ ៖ " អាចម៍ភ្នែក! " ។
ដកស្រង់ពី៖ មហាសំណើច
នៅក្នុងថ្នាក់រៀនមួយអ្នកគ្រូសួរថា "តើអំពើអ្វីខ្លះដែលចាត់ទុកថាក្លាហានបំផុតនៅលើលោក?"។
បូណា ៖ "ប្រថុយជីវិតដើម្បីសង្គ្រោះមិត្ត!"
អ្នកគ្រូ ៖ "ត្រឹមត្រូវ! មានអ្វីទៀត…អ្នកណាដឹង?"។
នីតា ៖ "បូជាជីវិតដើម្បីជាតិ!"។
អ្នកគ្រូ ៖ "ត្រឹមត្រូវ! មានអ្វីទៀត…អ្នកណាដឹង?"។
ប្រុញ ៖ "ហ៊ានផោមនៅពេលឈឺពោះរាគ!"។
ដកស្រង់ពី៖ មហាសំណើច
ក្រោយរដូវភ្ជុំបិណ្ឌ សុភាពធ្វើដំណើរត្រឡប់មកភ្នំពេញវិញ។ កំពុងស្ថិតក្នុងកាប៊ីនឡានតាក់ស៊ីស្រាប់តែអន្សមជ្រូកធ្វើទុក្ខ។ ដោយពុំអាចទប់ជាប់នាងលួចព្រលែង ១ខ្សុល យ៉ាងស្ងាត់។ ពូតៃកុងឡានបង្ហើបកញ្ចក់ ហើយបង្ហើរសំនៀង១បទ "ស្គាល់តែក្លិន មិនបានខ្លួន…"។ សុភាពសែនរអៀសខ្លួន។ ៣នាទីក្រោយ អាទី២ក៏មកដល់ នាងខំត្បៀត ម្រាមជើងឡើងខ្មូរ ប៉ុន្តែមិនបានជោគជ័យ លេចចេញសំឡេងឆ្មាស្រួយស្រេះ។ ពូតៃកុងឡានច្រៀងមួយបទទៀត "សំឡេងអ្វីមកពីណា…"។ មិនបាន១នាទី អាទី៣ក៏មកដល់ ខ្យល់ខ្លាំងអស្ចារ្យ សុភាពទប់មិនជាប់ធ្លាយមកទាំងភ្នែនលាន់ ផែត!។ ពូតៃកុងឡានដាក់១បទទៀត "ល្មមហើយណាស្រី ប្រណីដល់ប្រុសផងណា…"។ រអៀសខ្លួនខ្លាំងមែនទែន សុភាពសុំពូតៃកុងឡានចុះពាក់កណ្តាលផ្លូវ។ ទទួលលុយហើយ ពូតៃកុងឡានដាក់មួយបទទៀត "ទើបតែឥឡូវបងបានដឹងច្បាស់…"។
ដកស្រង់ពី៖ មហាសំណើច
តុលា មានរូបរាងសង្ហា ប៉ុន្តែចំពោះស្នេហាគាត់ពុំសូវក្លាហានទេ។ ថ្ងៃមួយនៅកន្លែងញ៉ាំពោតព្រែកលាបគាត់ឃើញនារីស្រស់ស្អាតម្នាក់កំពុងអង្គុយអានសៀវភៅនៅលើអង្រឹង។ តុលាខំប្រមូលសេចក្ដីក្លាហានដើរទៅក្បែរនាងហើយវាចារយ៉ាងសុភាព ៖ "ខ្ញុំឈ្មោះតុលា!ខ្ញុំសូមស្គាល់ផងបានទេ?"។ ស្រីស្អាតដាក់សៀវភៅចុះហើយស្រែកជំទាលដាក់តុលាឮៗ ៖ "ស្អី! ចង់ដេកជាមួយខ្ញុំ ខ្ញុំមិនមែនស្រីលក់ខ្លួនទេ!"។ តុលាខ្មាស់គេណាស់ក៏ត្រលប់មកអង្គុយកន្លែងខ្លួនវិញ។ ១០នាទីក្រោយមកនាងស្អាត ដើរមកជិតតុលាហើយវាចារយ៉ងសុភាពថា ៖ "ខ្ញុំសូមទោស!អម្បាញ់មិញខ្ញុំអានសៀវភៅចិត្តវិទ្យាហើយខ្ញុំសាកល្បងចង់ដឹងថាពេលមនុស្សម្នាក់ខ្មាស់គេខ្លាំងតើទឹកមុខគេដូចម្ដេច..."។ នាងនិយាយចប់ភ្លាមតុលាស្រែកជំទាលឮៗ ៖ "ស្អី! មុខអញ្ចឹងចង់បានមួយយប់៥០ដុល្លា!" ៕
ដកស្រង់ពី៖ មហាសំណើច
ក្នុងពិធីបុណ្យសពរបស់ឪពុកសំមាននំចំណីហូរហៀរ។ សំ អោបត្រកងនំចំណីពេញដៃដើរសំញ៉ែងបង្អួតមិត្តភ័ក្តិ។ សុខឃើញបែបនោះ ៖ "សំ!អញសុំស៊ីផងមកហ្អា៎!"។ សំ អោបនំយ៉ាងស្អិត ៖ "ស្អែកឲ្យឯងស៊ីហើយ!"។ សុខគំរាម ៖ "អូ! ឯង...ចាំមើលតែឪអញងាប់វិញហ្អ៎!" ៕
ដកស្រង់ពី៖ មហាសំណើច
តាថាក់កំពុងអារមែកឈើនៅលើដើម។ គាត់មិនអង្គុយផ្នែកខាងដើមបែជាអង្គុយផ្នែកខាងមែក។ បុរសម្នាក់ដើរកាត់ឃើញតាអង្គុយខុសទំនងក៏ស្រែកប្រាប់ ៖ "តា!បើតាអង្គុយអារខាងហ្នឹង បន្តិចទៀតតាច្បាស់ជាធ្លាក់!"។ តាថាក់មិនជឿហើយក៏បន្តអារទៀត។បុរសឃើញបែបនោះលែងខ្វល់ហើយបន្តដើរទៅមុខ។ ប្រាំនាទីក្រោយមក ៖ "ប្រាវ!" តាថាក់ធ្លាក់មកជាមួយមែកឈើ ទល់ផ្អក ប៉ុន្តែគាត់ខំងើបទាំងត្រដាបត្រដួសរត់តាមបុរស ៖ "ព្រះអើយ!បុរសនេះមើលឃើញអនាគតកាល ឈប់សិនអ្នកមានបុណ្យ! ខ្ញុំអាយុវែងប៉ុណ្ណា?" ។
ដកស្រង់ពី៖ មហាសំណើច
ផល្លាធ្វើការក្នុងបន្ទប់ជាមួយអ៊ំស្រីចំណាស់ម្នាក់អាយុប្រហែល៦០ឆ្នាំ។ អ៊ំស្រីតែងដាក់សណ្ដែកដីលីងមួយកូនស្បោងលើតុធ្វើការគាត់។ ផល្លាចូលចិត្តញ៉ាំសណ្ដែកដី ឆ្លៀតពេលអ៊ំស្រីកំពុងប្រជុំផល្លាភ្លក់មួយគ្រាប់ពីរ ៖ "ហ្អេ!ឆ្ងាញ់!បើលីងថែមឲ្យស្ងួតបន្តិច ថែមអំបិលបន្តិច មិនដឹងយ៉ាងណាទេ!!!"។ ផល្លាជ្រុលមាត់ញ៉ាំអស់កន្លះថង់។ពេលអ៊ំស្រីត្រលប់មកវិញផល្លាសារភាព ៖ "សុំទោសអ៊ំ...ឃ្លានពេកខ្ញុំញ៉ាំដោយមិនបានសួរ"។ "អូ!ញ៉ាំចុះ!អ៊ំមានធ្មេញឯណាទៅទំពារនោះ អ៊ំបានតែជញ្ជក់ៗយកតែអំបិលហ្នឹង!" ៕
ដកស្រង់ពី៖ មហាសំណើច
មេម៉ាយស្ដុកម្នាក់ធុញថប់នឹងការរស់នៅម្នាក់ឯង។ នាងចុះកាសែតប្រកាសរើសស្វាមីដែលមានលក្ខណៈសម្បត្តិដូចខាងក្រោម ៖
១. មិនប្រើអំពើហិង្សាលើគ្រូសារ
២. មិនរត់ចោលប្រពន្ធកូន
៣. មានសមត្ថភាពផ្លូវភេទខ្លាំង
ថ្ងៃមួយកណ្ដឹងផ្ទះនាងក៏រោទ៍ឡើង។ នាងបើកទ្វារស្រាប់តែឃើញបុរសពិការម្នាក់អត់ដៃអត់ជើងនៅលើរទេះរុញ។ "ខ្ញុំជាបុរសដែលនាងប្រកាសរក!ខ្ញុំគ្មានដៃខ្ញុំមិនអាចវាយប្រពន្ធ ខ្ញុំគ្មានជើងខ្ញុំមិនអាចវាយប្រពន្ធ..."។ នាងមេម៉ាយសួរ ៖ "ចុះមានសមត្ថភាពផ្លូវភេទទេ?"។ ដឹងថាខ្ញុំយកស្អីចុចកណ្ដឹងទេ?" ៕
ដកស្រង់ពី៖ មហាសំណើច
អ្នកគ្រូសុភាពចូលចិត្តក្មេងៗណាស់គាត់អស់សំណើចនឹងរឿងប្លែកៗរបស់ក្មេងៗ។ ក្មេងៗក៏ចូលចិត្តអ្នកគ្រូដែរ។ ថ្ងៃមួយនាងតូចនីដានិយាយទៅកាន់អ្នកគ្រូថា ៖ "អ្នកគ្រូដឹងទេ ហេតុអីសក់ ស្កូវមុនពុកមាត់និងពុកចង្កា?"។ អ្នកគ្រូសើច ៖ "អ្នកគ្រូមិនដឹងដែរ!ចុះហេតុអីទៅនីដា?"។ "ខ្ញុំអត់ដឹងដែរ!ប៉ុន្តែខ្ញុំឃើញអ៊ំខ្ញុំសក់គាត់ស្កូវ ប៉ុន្តែពុកមាត់គាត់ខ្មៅ!?"។ តុលាលើកដៃ ៖ "ខ្ញុំដឹងអ្នកគ្រូ!សក់ស្កូវមុនពុកមាត់និងពុកចង្កាព្រោះសក់អាយុបងពុកមាត់និងពុកចង្កាដប់ប្រាំមួយឆ្នាំ!" ៕
ដកស្រង់ពី៖ មហាសំណើច
ប្ដីប្រពន្ធពីរនាក់ចូលទស្សនាពិព័រណ៍គំនូរជាលក្ខណៈអន្តរជាតិមួយ។ ពួកគាត់បានជួបរូបស្រីស្អាតមួយផ្ទាំងស្រាតននលគកហើយកន្លែងសំខាន់បីត្រូវគ្របដោយស្លឹកឈើពណ៌បៃតងខ្ចី។ នាងប្រពន្ធមិនចូលចិត្តក៏ដើរហួសទៅ។ បុរសជាប្ដីចាប់អារម្មណ៍ខ្លាំងឈរសម្លឹងមិនដាក់ភ្នែក។ នាងប្រពន្ធក្រឡេកក្រោយមិនឃើញប្ដីដើរតាម ៖ "តាប៉ិឯងម៉េចមិនមក!នៅចាំស្អី?"។ ចាំរដូវស្លឹកឈើជ្រុះ! ៕
ដកស្រង់ពី៖ មហាសំណើច
រសៀលថ្ងៃមួយមេឃក្ដៅហែង ពូម៉ាប់ដើរតាមផ្លូវបែកញើសជោគ។ ពីរបីនាទីក្រោយមកមានក្មេងប្រុសម្នាក់ដើរប្រកៀកតាមពីក្រោយគាត់។ អាល្អិតតូចនោះជាន់កែងជើងគាត់ជាញឹកញយ។ ទ្រាំពុំបានពូម៉ាប់ឈប់ហើយងាកក្រោយស្រែក ៖ "រួចវាយ៉ាងម៉េចឯង? ឈប់ដើរតាមអញ!"។ "កុំដេញខ្ញុំអី!ក្ដៅណាស់កន្លែងណាក៏អត់ម្លប់ដែរ!" ៕
ដកស្រង់ពី៖ មហាសំណើច
ក្នុងបន្ទប់ជណ្ដើរយន្តមួយមានក្មេងស្រីស្ទាវសិចស៊ីពីរនាក់និងអ៊ំស្រីចំណាស់ម្នាក់កំពុងជិះរួមគ្នា នាងស្រីសិចស៊ីទីមួយដកដបទឹកអប់ប៉ុនកូនដៃបាញ់លើ ក នាង ឈីត! ក្លិនក្រអូបឈួល ៖ មេខ្លឹមចន្ទន៍ មួយដប៥០០ហ្រ្វង់ ។ឃើញបែបនោះនាងស្រីសិចស៊ីទីពីរដកដបទឹកអប់ប៉ុនមេដៃបាញ់លើគុម្ពត្រចៀក ផែត! ក្លិនក្រអូបឈ្លក់ ៖ មេផ្កា Jasmine មួយដប៥០០ដុល្លា ។ដល់ជាន់ដែលអ៊ំស្រីត្រូវចុះមុនដើរចេញពីបន្ទប់ជណ្ដើរយន្តអ៊ំស្រីសម្លឹងក្មេងស្រីទាំងពីរ ពីក្បាលដល់ចុងជើង គាត់បង្វិលខ្លួនមួយជុំតំរង់គូថចំទិសដៅ ផោម ឃ្សុល! មេគ្រាប់ខ្នុរកម្ពុជាមួយកំប៉ុង៥០០រៀល! ៕
ដកស្រង់ពី៖ មហាសំណើច
បុរសម្នាក់មានជំងឺត្រដិត។ គ្រូពេទ្យច្រើនណាស់ដែលគាត់បានទៅជួប ប៉ុន្តែគ្មានគ្រូពេទ្យណាអាចជួយគាត់បានឡើយ។ ទីបំផុតគាត់បានជួបគ្រូពេទ្យម្នាក់ដែលអាចជួយគាត់បាន។ គ្រូពេទ្យនិយាយទៅកាន់បុរស ៖ "ខ្ញុំដឹងថាឯងត្រដិតដោយសារអីហើយ!"។ បុរសសួរ ៖ "តិ តើ តើហេតុអ្វីបានត្រដិត?"។ គ្រូពេទ្យតប ៖ "ពងឯងធំពេក ទម្ងន់របស់វាធ្វើឲ្យសសៃសំឡេងតឹងជ្រុល មធ្យោបាយមានតែមួយគត់គឺវះកាត់ប្ដូរពងដាក់អាតូចវិញ"។ ដោយធុញថប់នឹងការត្រដិតបុរសក៏យល់ព្រមធ្វើការវះកាត់។ ពីរបីថ្ងៃក្រោយមក លោកគ្រូពេទ្យប្រាប់បុរសត្រដិតថាគាត់បានរកឃើញអ្នកបរិច្ចាគហើយ។ ការវះកាត់ប្រព្រឹត្តទៅដោយជោគជ័យ បុរសលែងមានបញ្ហាត្រដិត។ ដំបូងបុរសសប្បាយចិត្តណាស់ ប៉ុន្តែពីរបីថ្ងៃក្រោយមកគាត់បាត់បង់ស្នេហាដែលធ្លាប់តែផ្អែមល្ហែម។ គាត់ត្រលប់មកជួបគ្រូពេទ្យវិញ។ "លោកគ្រូពេទ្យ...ខ្ញុំអរគុណណាស់ដែលធ្វើឲ្យខ្ញុំបាត់ត្រដិត ប៉ុន្តែឥឡូវខ្ញុំចង់បានរបស់ខ្ញុំវិញ សូមប្រាប់អ្នកដែលប្ដូរពងខ្ញុំថាយើងត្រូវតែវះកាត់ម្ដងទៀតដើម្បីប្ដូរគ្នាវិញ"។ លោកគ្រូពេទ្យតប ៖ "ដ ដុ ដូរវិញ អ អ់ អត់បានទេ!!!" ៕
ដកស្រង់ពី៖ មហាសំណើច
នាងក្រមុំរូបស្អាតម្នាក់មកជួបលោកគ្រូពេទ្យ ៖ "លោកគ្រូពេទ្យជួយផង!ខ្ញុំឈឺសព្វទាំងប្រាណ!"។ លោកគ្រូពេទ្យសួរ ៖ "និយាយសព្វទាំងប្រាណអញ្ចឹងពិបាកវិនិច្ឆ័យណាស់ មើលប្រាប់ម្ដងមួយឈឺកន្លែងណាខ្លះ?"។ នាងក្រមុំយកដៃចង្អុលចុចជង្គង់នាង ៖ "អូយ!ត្រង់នេះឈឺ..."។ នាងចុចគល់ភ្លៅ ៖ "អូយ!ត្រង់នេះក៏ឈឺ..."។ នាងចុចច្រមុះ ៖ "អាវ!សូម្បីតែច្រមុះក៏ឈឺដែរលោកគ្រូពេទ្យ..." នាងយំខ្សឹកខ្សួល។ លោកគ្រូពេទ្យពិនិត្យគ្រប់កន្លែងប្រមាណ១៥នាទីក៏រកឃើញមូលហេតុ គឺ "នាងឈឺចង្អុលដៃ!" ៕
ដកស្រង់ពី៖ មហាសំណើច
នៅក្នុងមហាវិទ្យាល័យមួយសីហានិយាយទៅកាន់សិស្សស្រីម្នាក់ ៖ "ហ៎ះ ហះ...នាយកសាលាថ្មីមុខល្អមើលណាស់ ដូចស្វានៅភ្នំតាម៉ៅ!"។
នារីសួរ ៖ "ដឹងថាខ្ញុំជាអ្នកណាទេ?"
សីហាឆ្លើយ ៖ "អត់ដឹងផង..."
នារីប្រកាស ៖ "ខ្ញុំជាកូនស្រីនាយកសាលា!"
សីហាសួរ ៖ "ចុះដឹងថាខ្ញុំជាអ្នកណាទេ?"
នារីឆ្លើយ ៖ "អត់ដឹងផង..."
សីហា៖ "អរគុណព្រះជាម្ចាស់!!! លាសិនហើយ!" ៕
យាយផាន់ជិះកាណូតអាលឿនគាត់ទៅអង្គុយកៅអីខាងមុខព្រោះគាត់អាចមើលវីដេអូក្នុងកាណូតបានច្បាស់។ អ្នកឆែកសំបុត្រនិយាយទៅកាន់យាយផាន់ ៖ "សូមទោស!កៅអីយាយលេខ៥១ កៅអីនេះរបស់គេទេ"។ "ហ្អេ!អ្នកណាអង្គុយមុនរបស់អ្នកហ្នឹងហើយ ទាល់តែដល់កំពង់ចាមបានអញងើប!!!"។ សហការីម្នាក់ទៀតមកជួយពន្យល់គាត់អំពីការគោរពសិទ្ធិម្ចាស់កៅអី ប៉ុន្តែយាយផាន់និយាយដដែល ៖ "ហ្អេ!អ្នកណាអង្គុយមុនរបស់អ្នកហ្នឹងហើយ ទាល់តែដល់កំពង់ចាមបានអញងើប!!!"។ ប្រធានចាត់ការក្នុងកាណូតដើរទៅខ្សឹបដាក់ត្រចៀកយាយផាន់។ ភ្លាមនោះយាយផាន់ប្រមូលឥវ៉ាន់ទៅអង្គុយកៅអីលេខ៥១យ៉ាងស្ងៀមស្ងាត់។ អ្នកឆែកសំបុត្រទាំងពីរសួរ ៖ "អស្ចារ្យ!លោកប្រធានខ្សឹបថាម៉េចទើបធ្វើឲ្យគាត់ទៅកន្លែងគាត់បាន?"។ ខ្ញុំខ្សឹបថាកៅអីពីលេខ១ដល់លេខ៥០គេទៅក្រចេះទេ!!!" ៕
ដកស្រង់ពី៖ មហាសំណើច
"កម្មវិធីសម្រកទម្ងន់់ពិសេស! ចំណាយលុយ៣០ដុល្លាស្រក៣គីឡូក្នុង៥ថ្ងៃ ៦០ដុល្លាស្រក១០គីឡូក្នុង៧ថ្ងៃ ១០០ដុល្លាស្រក៣០គីឡូក្នុង១០ថ្ងៃ"។ ពូមួនអានហើយចាប់អារម្មណ៍ហើយបានទៅចុះឈ្មោះយកជម្រើស ៣គីឡូក្នុង៥ថ្ងៃ។ ស្អែកឡើងស្រីស្អាតម្នាក់មកផ្ទះពូមួន ៖ "ខ្ញុំជាភ្នាក់ងារសម្រកទម្ងន់់ បើពូអាចចាប់ខ្ញុំបាន ខ្ញុំជារបស់ពូ៥ថ្ងៃ"។ ពូមួនចំណាយពេលជិតមួយម៉ោងទើបចាប់នាងបាន។ ៥ថ្ងៃក្រោយពូមួនពិតជាស្រកអស់៣គីឡូមែន គាត់សប្បាយចិត្តណាស់ ហើយក៏ទៅចុះឈ្មោះយកជម្រើស ១០គីឡូក្នុង៧ថ្ងៃ។ ស្អែកឡើងនារីម្នាក់ទៀតស្អាតដូចទេពអប្សរមកផ្ទះពូមួន ៖ "ខ្ញុំជាភ្នាក់ងារសម្រកទម្ងន់់បើពូអាចចាប់ខ្ញុំបាន ខ្ញុំជារបស់ពូ៧ថ្ងៃ"។ចំណាយពេលជិតពីរម៉ោងទើបចាប់នាងបាន។ ពូមួនឆ្លងកាត់៧ថ្ងៃយ៉ាងសប្បាយឥតឧបមាហើយគាត់ស្រកអស់១០គីឡូពិតមែន។លើកនេះពូមួនទៅចុះឈ្មោះទាំងព្រលឹមយកជម្រើស៣០គីឡូក្នុង១០ថ្ងៃ។ ស្អែកឡើងបុរសម្នាក់មកផ្ទះពូមួន ៖ "ខ្ញុំជាភ្នាក់ងារសម្រកទម្ងន់ ចា៎! អួយ! គួរឲ្យស្រលាញ់ណាស់ បើអូនចាប់បងបាន បងជារបស់អូន១០ថ្ងៃ"៕
ដកស្រង់ពី៖ មហាសំណើច
ឪពុកសួរ ៖ "បើប៉ាឲ្យទន្សាយកូនពីរ ហើយពីរទៀត ហើយពីរទៀត តើទាំងអស់កូនមានទន្សាយប៉ុន្មាន?"។តុលាឆ្លើយ ៖ "ប្រាំពីរ!"។"ឥឡូវស្ដាប់ម្ដងទៀត បើប៉ាឲ្យទន្សាយកូនពីរ! ហើយថែមពីរទៀត ហើយថែមពីរទៀត! តើទាំងអស់កូនមានទន្សាយប៉ុន្មាន?"។"ប្រាំពីរ!"។"អញ្ចេះវិញ...បើប៉ាឲ្យត្របែកកូនពីរ ហើយពីរទៀត ហើយពីរទៀត តើទាំងអស់កូនមានផ្លែត្របែកប៉ុន្មាន?"។"ប្រាំមួយ!"។"ល្អ!ចុះ..បើប៉ាឲ្យទន្សាយកូនពីរ! ហើយពីរទៀត! ហើយពីរទៀត! តើទាំងអស់កូនមានទន្សាយប៉ុន្មាន?"។តុលាឆ្លើយ ៖ "ប្រាំពីរ!"។"នែ៎! អាតុលាបើត្របែកម៉េចឯងថាស្មើប្រាំមួយ ហើយម៉េចបានទន្សាយស្មើប្រាំពីរ?"។"ទន្សាយរបស់កូនមួយដែរនោះ!!!" ៕
ដកស្រង់ពី៖ មហាសំណើច
យន្តហោះដឹកអ្នកដំណើរមួយកំពុងរំកិលខ្លួនលឿនទៅៗបំរុងហោះហើរប៉ុន្តែបានបន្ថយល្បឿនហើយបត់ត្រលប់មកចំណតវិញ។មួយម៉ោងក្រោយមកយន្តហោះក៏ហោះឡើង។អ្នកដំណើរដែលមានការព្រួយបារម្មណ៍ក៏សួរអ្នកបំរើយន្តហោះ ៖ "មុនហ្នឹងមានបញ្ហាអី?ម៉េចបានចាំយូរម្លេះ"។" Pilot មុនហ្នឹងស្ដាប់ឮម៉ាស៊ីនយន្តហោះដើរអត់ស្រួល!ដូច្នេះគេប្ដូរ Pilot ថ្មីមកបើកជំនួស!" ៕
ដកស្រង់ពី៖ មហាសំណើច
Cloggers Summit
ម៉ោងស្រុកខ្មែរ ៖