យាយសាយគឺជាគ្រូល្បីប្រចាំច្បារអំពៅ ។ អ្នកណាឈឺសន្លាក់ដៃសន្លាក់ជើង ឬ ថ្លោះដៃ ថ្លោះជើង គឺយាយសាយអាចផ្លុំឱ្យជាសះស្បើយបានទាំងអស់ ។ ថ្ងៃមួយពេលយាយសាយកំពុងតែសូតធម៌ផ្លុំជើងឱ្យអ្នកជំងឺ ស្រាប់តែអ្នកជិតខាងគាត់ម្នាក់រត់មកប្រាប់ : "យាយសាយអើយ! អាពៅចៅយាយធ្លាក់ពីលើដើមស្វាយថ្លោះដៃបាត់ទៅហើយ!!" "ពុទ្ធោចៅយាយ!! ឆាប់…ឆាប់នាំគ្នាជួយដឹកវាទៅរកពេទ្យភ្លាម!!" យាយសាយភ័យបះដៃបះជើង ។
ដកស្រង់ពី ៖ មហាសំណើច
សុខ តារា ផេង និង ដេត សុទ្ធតែជាកូនអ្នកមាន ។ ពួកគេបួននាក់ជាមិត្តរួមថ្នាក់ហើយតែងជិះកូនឡានទៅសាលាជាមួយគ្នា ។ ថ្ងៃមួយទាំងបួននាក់បានទៅដល់សាលាយឺតសម្រាប់ការប្រលង ។ សុខដោះសារប្រាប់អ្នកគ្រូថាពួកគេមកយឺតពីព្រោះតែបែកកង់ឡាននៅតាមផ្លូវ ។ លឺដូច្នេះ អ្នកគ្រូក៏ឱ្យក្រដាស់សទៅពួកគេទាំងបួនមួយសន្លឹកម្នាក់ហើយថា : "ឥឡូវនេះ ពួកឯងទាំងបួនសរសេរប្រាប់អ្នកគ្រូមកថា កង់ដែលបែកនោះ គឺជាកង់មួយណា បើចំលើយទាំងបួនដូចដូចគ្នាអ្នកគ្រូនឹងឱ្យពួកឯងទាំងបួនប្រលងជាប់ដោយស្វ័យប្រវត្តិ ។
សុខ : ឆ្វេងខាងក្រោយ , តារា : ស្ដាំខាងមុខ , ផេង : ស្ដាំខាងក្រោយ , ដេត : ឆ្វេងខាងមុខ ។
ដកស្រង់ពី ៖ មហាសំណើច
បន្ទាប់ពីទំនេរពីការងារ បុគ្គលិកទាំងប្រុសទាំងស្រីតែងនាំគ្នាអង្គុយស្ដាប់លោកប្រធាននិយាយរឿងកំប្លែង ។ ថ្ងៃមួយលោកប្រធាននិយាយរឿងកំប្លែងឱ្យបុគ្គលិកស្ដាប់តាមធម្មតា ។ គ្រប់រឿងដែលលោកប្រធាននិយាយធ្វើអោយពួកបុគ្កលិកខ្លះសើចចុកពោះ ខ្លះសើចហូរទឹកភ្នែក ក៏ប៉ុន្តែមានបុគ្គលិកម្នាក់កញ្ញាពិសី មិនសើចទាល់តែសោះ ។ ឃើញដូច្នេះលោកប្រធានខឹងក៏សួរ : "រឿងកំប្លែងសើចអស់សំណើចយ៉ាងនេះ ម្ដេចក៏នាងមិនសើច??" "ចាលោកប្រធាន ស្អែកនេះ ខ្ញុំនឹងលាឈប់ពីការងារហើយ ដូច្នេះខ្ញុំមិនចាំបាច់ធ្វើពុតសើចទៀតទេ…" ពិសីតប។
ដកស្រង់ពី ៖ មហាសំណើច
លោកម៉ុកបានជួបគ្រោះថ្នាក់ចរាចរសន្លប់បាត់ស្មារតីអស់រយៈពេល២ថ្ងៃ ។ ពេលគាត់ដឹងខ្លួនវិញលោកវេជ្ជបណ្ឌិតនិយាយទៅកាន់គាត់ : "ខ្ញុំមានដំណឹងល្អមួយនិងដំណឹងអាក្រក់មួយត្រូវប្រាប់លោក តើលោកចង់ស្ដាប់ដំណឹងមួយណាមុន?" លោកម៉ុក : "ខ្ញុំចង់ស្ដាប់ដំណឹងអាក្រក់មុន…" ។ លោកវេជ្ជបណ្ឌិត : "ជើងលោករបួសធ្ងន់ធ្ងរណាស់គឺតំរូវឱ្យកាត់ជើងចោលទាំងសងខាងនៅថ្ងៃស្អែកនេះ ។" លោកម៉ុកឮហើយភ្ញាក់ផ្អើលយ៉ាងខ្លាំង គាត់ខំទប់អារម្មណ៍ហើយសួរលោកវេជ្ជបណ្ឌិតបន្ត "ចុះដំណឹងល្អវិញ??" លោកវេជ្ជបណ្ឌិតឆ្លើយ : "អ្នកជំងឺនៅគ្រែជិតលោកសុំទិញស្បែកជើងពីលោក…"។
ដកស្រង់ពី ៖ មហាសំណើច
ក្មេងប្រុសបីនាក់ជជែកគ្នាអួតពីប៉ារបស់ពួកគេរៀងៗខ្លួនដូចតទៅ :
ក្មេងទី ១ : "ប៉ាអញជាប្រធានរោងចក្រ មានកម្មកររាប់រយនាក់ជាកូនចៅរបស់គាត់…"
ក្មេងទី ២ : "ប៉ាឯងអន់ជាងប៉ាអញបន្តិច…ប៉ាអញជាមេទ័ព មានទាហានរាប់ពាន់នាក់ស្ដាប់តាមបញ្ជាគាត់!"
ក្មេងទី ៣ : "ប៉ាពួកឯងចាញ់ប៉ាអញទាំងអស់ ប៉ាអញឱ្យប៉ាពួកឯងងាកស្ដាំ ប៉ាពួកឯងមិនហានងាកឆ្វេង ឱ្យប៉ាពួកឯងអោនក្បាលគឺប៉ាពួកឯងមិនហានងើបក្បាលទេ…"
ក្មេងទី ១ និង ២ សួរ : "អញមិនជឿអីក៏សាហាវម្លេះ ប៉ាឯងជាអ្នកណា???"
ក្មេងទី ៣ : "ជាងកាត់សក់!" ។
ដកស្រង់ពី ៖ មហាសំណើច
ថ្ងៃមួយ ពូសំស្រវឹងស្រាយ៉ាងខ្លាំង ។ គាត់គោះដើមឈើដែលនៅមុខផ្ទះជាច្រើនដង ។ អ្នកជិតខាងគាត់ម្នាក់ ដៃកាន់ដបស្រា ដំណើរទ្រេតទ្រោតក៏មកដល់ "បងសំ! បងធ្វើអីហ្នឹង?" អ្នកជិតខាងសួរ ។ "ខ្ញុំគោះទ្វារហៅប្រពន្ធ…" ពូសំតប ។ បុរសអ្នកជិតខាងសើច ហើយលើកដបស្រាផឹកថែមពីរបីក្អឹក ។ ផឹកហើយ បុរសអ្នកជិតខាងស្រាប់តែដើរមកគោះដើមឈើ "បងស្រី! បើកទ្វារអោយបងសំផង… គាត់ស្រវឹងហើយ!" ។
ដកស្រង់ពី ៖ មហាសំណើច
បុរសម្នាក់កំពុងអង្គុយកាត់សក់នៅក្នុងហាងកាត់សក់មួយ ។ ពេលនោះ ស្រាប់តែមានក្មេងប្រុសម្នាក់ ទឹកមុខស្លេកស្លាំងរត់ចូលក្នុងហាងកាត់សក់ ហើយស្រែកទាំងស្លន់ស្លោ "ពូភាព! ភ្លើងឆេះផ្ទះ!" ។ ឮភ្លាម បុរសស្ទុះបោលចេញពីហាងតម្រង់ទៅផ្ទះ ។ រត់បានពាក់កណ្ដាលផ្លូវស្រាប់តែឈប់ "ហ្អាក! អញឈ្មោះផេង! មិនមែនឈ្មោះភាពឯណា…" ។
ដកស្រង់ពី ៖ មហាសំណើច
ថ្ងៃមួយ ប្តីប្រពន្ធតាយាយអាយុ៦០ឆ្នាំពីរនាក់ទៅកាប់អុសក្នុងព្រៃជ្រៅ ស្រាប់តែបានជួបនឹងកុមារទេព ។ "ខ្ញុំអោយតានិងយាយ ម្នាក់មួយប្រាថ្នា ចង់បានអ្វីនឹងបានដូចបំណង" កុមារទេពនិយាយទៅកាន់យាយតា ។ "មួយជាតិនេះយាយស្គាល់តែផ្ទះស្លឹក ហេតុនេះ យាយប្រាថ្នាចង់បានផ្ទះវីឡានៅម្ដង" ។ ឮហើយ កុមារទេពជប់ផ្ទះវីឡាដ៏ស្អាតជូនយាយបានដូចចិត្ត ។ យាយរំភើបឥតឧបមា ។ "តាចង់បានប្រពន្ធក្មេងជាងតា៤២ឆ្នាំ…" ។ ឮហើយ កុមារទេពជប់ "ហ្វាំង" ស្រាប់តែតាកើនអាយុដល់១០២ឆ្នាំ ។
ដកស្រង់ពី ៖ មហាសំណើច
"កូនដឹងទេ… ពេលដែលគ្រោះថ្នាក់បំផុតសំរាប់យើងគឺនៅពេលដែលមនុស្សដើរចូលហាងកាត់សក់ ម៉ាក់ផ្តាំ… បើគេកាត់សក់ កូនត្រូវរូតរះទៅទំនៅគល់សក់ ដូច្នេះទើបមិនត្រូវកាត់ដោយ" មេចៃនិយាយទៅកាន់កូនចៃ ។ "ចុះបើគេកាត់សក់?" កូនចៃសួរមេ ។ "កូនត្រូវទៅទំនៅចុងសក់ ដើម្បីកុំអោយត្រូវនឹងក្រចករឺជាប់នឹងចុងក្រចក" មេចៃតប ។ "ចុះបើគេកោរសក់វិញ?" កូនចៃសួរបន្ត ។ ឮភ្លាមមេចៃខោកកូនមួយក្រញរ "កុំមាត់ចង្រៃពេក!" ។
ដកស្រង់ពី ៖ មហាសំណើច
ប្លយ ផឹកស៊ីរាល់យប់ហើយគាត់កុហកប្រពន្ធថាមកយាមការិយាល័យ ។ ថ្ងៃនេះ គាត់មកផឹកស៊ីដូចសព្វដង មានស្រីកំដរឆ្វេងស្ដាំសែនសប្បាយ ។ កំពុងផឹកស៊ី ប្លយ អ៊ុតមើលគម្របកំប៉ុងស្រាបៀររករង្វាន់ "អញសង្ស័យតែត្រូវមួយកំប៉ុង…" ប្លយនិយាយទៅកាន់មិត្តភក្តិ ។ "មិនបាច់សង្ស័យទេ… ឯងច្បាស់ជាត្រូវមួយកំប៉ុងហើយ" មិត្តប្លយនិយាយប្រាប់ប្លយ នៅពេលដែលឃើញប្រពន្ធប្លយមុខមាំឈរពីក្រោយប្លយដៃកាន់កំប៉ុងស្រាបៀរ ។
ដកស្រង់ពី ៖ មហាសំណើច
ក្រោយបញ្ចប់ការសិក្សាផ្នែកមេធាវី បញ្ញាបើកការិយាល័យមេធាវីផ្ទាល់ខ្លួនមួយ ។ ថ្ងៃទីមួយ បញ្ញាឮសំលេងគោះទ្វារ គាត់ស្រែកថា "អញ្ជើញចូល!" ភ្លាមនោះគាត់លើកទូរស័ព្ទមកនិយាយ "ស្អែកខ្ញុំជាប់រវល់ដោះស្រាយរឿងក្តីដល់ទៅពីរ ហើយខានស្អែកក៏ជាប់ដែរ ចាំមួយភ្លែត…" បញ្ញាខ្ទប់ទូរស័ព្ទហើយសួរបុរសដែលទើបចូលមកដល់ថា "លោកអញ្ជើញមកមានការអ្វីដែរ?" ។ "ខ្ញុំមកភ្ជាប់ខ្សែទូរស័ព្ទជូនលោក…" បុរសឆ្លើយ ។
ដកស្រង់ពី ៖ មហាសំណើច
ក្រោយរដូវភ្ជុំបិណ្ឌ សុភាពធ្វើដំណើរត្រឡប់មកភ្នំពេញវិញ។ កំពុងស្ថិតក្នុងកាប៊ីនឡានតាក់ស៊ីស្រាប់តែអន្សមជ្រូកធ្វើទុក្ខ។ ដោយពុំអាចទប់ជាប់នាងលួចព្រលែង ១ខ្សុល យ៉ាងស្ងាត់។ ពូតៃកុងឡានបង្ហើបកញ្ចក់ ហើយបង្ហើរសំនៀង១បទ "ស្គាល់តែក្លិន មិនបានខ្លួន…"។ សុភាពសែនរអៀសខ្លួន។ ៣នាទីក្រោយ អាទី២ក៏មកដល់ នាងខំត្បៀត ម្រាមជើងឡើងខ្មូរ ប៉ុន្តែមិនបានជោគជ័យ លេចចេញសំឡេងឆ្មាស្រួយស្រេះ។ ពូតៃកុងឡានច្រៀងមួយបទទៀត "សំឡេងអ្វីមកពីណា…"។ មិនបាន១នាទី អាទី៣ក៏មកដល់ ខ្យល់ខ្លាំងអស្ចារ្យ សុភាពទប់មិនជាប់ធ្លាយមកទាំងភ្នែនលាន់ ផែត!។ ពូតៃកុងឡានដាក់១បទទៀត "ល្មមហើយណាស្រី ប្រណីដល់ប្រុសផងណា…"។ រអៀសខ្លួនខ្លាំងមែនទែន សុភាពសុំពូតៃកុងឡានចុះពាក់កណ្តាលផ្លូវ។ ទទួលលុយហើយ ពូតៃកុងឡានដាក់មួយបទទៀត "ទើបតែឥឡូវបងបានដឹងច្បាស់…"។
ដកស្រង់ពី ៖ មហាសំណើច
អ្នកគ្រូសុភាពចូលចិត្តក្មេងៗណាស់គាត់អស់សំណើចនឹងរឿងប្លែកៗរបស់ក្មេងៗ។ក្មេងៗក៏ចូលចិត្តអ្នកគ្រូដែរ។ថ្ងៃមួយនាងតូចនីដានិយាយទៅកាន់អ្នកគ្រូថា ៖ "អ្នកគ្រូដឹងទេ ហេតុអីសក់ ស្កូវមុនពុកមាត់និងពុកចង្កា?"។អ្នកគ្រូសើច ៖ "អ្នកគ្រូមិនដឹងដែរ!ចុះហេតុអីទៅនីដា?"។"ខ្ញុំអត់ដឹងដែរ!ប៉ុន្តែខ្ញុំឃើញអ៊ំខ្ញុំសក់គាត់ស្កូវ ប៉ុន្តែពុកមាត់គាត់ខ្មៅ!?"។តុលាលើកដៃ ៖ "ខ្ញុំដឹងអ្នកគ្រូ!សក់ស្កូវមុនពុកមាត់និងពុកចង្កាព្រោះសក់អាយុបងពុកមាត់និងពុកចង្កាដប់ប្រាំមួយឆ្នាំ!" ៕
ដកស្រង់ពី ៖ មហាសំណើច
សូមទាញអត្ថបទនេះ "សូមអានអ្នកនឹងឃើញ!" រួចអានវានៅម៉ោង ១២ យប់ ហើយកុំភ្លេចបើកឧបករណ៍បំពងសំលេងរបស់កុំព្យូទ័រអ្នកផង។
សួមសំណាងល្អ!
ស្ដេចវាយកុំព្យូទ័រ…ឃើញចំណងជើងអត្ថបទនេះភ្លាមស្មានតែជើងខ្លាំងខាងកំទេចកុំព្យូទ័រ តាមពិតជាជើងខ្លាំងខាងរៀបចំអត្ថបឯកសារក្នុងកម្មវិធីស្លឹករឹតបានលឿនបំផុតសោះ ។ គួរឲ្យមោទនភាពមែនជើងខ្លាំងខាងវាយអត្ថបទតាមយូនីកូដខ្មែរ !!!
មេម៉ាយស្ដុកម្នាក់ធុញថប់នឹងការរស់នៅម្នាក់ឯង។នាងចុះកាសែតប្រកាសរើសស្វាមីដែលមានលក្ខណៈសម្បត្តិដូចខាងក្រោម ៖
១. មិនប្រើអំពើហិង្សាលើគ្រូសារ
២. មិនរត់ចោលប្រពន្ធកូន
៣. មានសមត្ថភាពផ្លូវភេទខ្លាំង
ថ្ងៃមួយកណ្ដឹងផ្ទះនាងក៏រោទ៍ឡើង។នាងបើកទ្វារស្រាប់តែឃើញបុរសពិការម្នាក់អត់ដៃអត់ជើងនៅលើរទេះរុញ។"ខ្ញុំជាបុរសដែលនាងប្រកាសរក!ខ្ញុំគ្មានដៃខ្ញុំមិនអាចវាយប្រពន្ធ ខ្ញុំគ្មានជើងខ្ញុំមិនអាចវាយប្រពន្ធ..."។នាងមេម៉ាយសួរ ៖ "ចុះមានសមត្ថភាពផ្លូវភេទទេ?"។ដឹងថាខ្ញុំយកស្អីចុចកណ្ដឹងទេ?" ៕
Cloggers Summit
ម៉ោងស្រុកខ្មែរ ៖