វេជ្ជបណ្ឌិតណែនាំអោយម្ដាយទាំងឡាយ ចិញ្ចឹមទារកដោយទឹកដោះម្ដាយទើបជាប្រការល្អ ។ បន្តិចក្រោយមក ស្រាប់តែមានស្ត្រីម្នាក់ដើរកាត់មុខពេទ្យដោយអោយកូនបៅទឹកដោះគោ គ្រូពេទ្យក៏ណែនាំដល់ស្ត្រីនោះថា បើមានសុខភាពល្អគួរអោយកូនបៅទឹកដោះម្ដាយទៅ ។ ពេលនោះស្រាប់តែមានកូនប្រុសអាយុប្រហែល ៦ឆ្នាំ ជាកូនទី២ របស់ស្ត្រីនោះរត់មកដល់ហើយឮអ្នកគ្រូពេទ្យណែនាំបែបនេះ វាក៏លាន់មាត់ថា ៖
– អោយអូនបៅដោះម៉ាក់យ៉ាងម៉េច បើប៉ាដណ្ដើមដោះម៉ាក់បៅដែរនោះ ។
អ្នកគ្រូមា្នក់កំពុងបង្រៀនរឿងស៊ើបអង្កេតសាកសព អោយនិស្សិតពេទ្យមួយក្រុម ហើយក៏លើកជាសំណួរថា ៖
–មើល៍ ! នរណាដឹងខ្លះថា សពនេះលង់ទឹកស្លាប់ឬទេ ?
និសិត្សពីរនាក់បានឆ្លើយស្របគ្នាឡើងថា ៖
–បាទ ! គឺមានតែវះកាត់មើលថាមានទឹកនៅក្នុងសួត ឬក្រពះអាហារឬអត់ !
អ្នកគ្រូពេទ្យគ្រាន់តែញញឹម ហើយងាកទៅសួរនិសិត្សកំហិលម្នាក់ទៀតថា ៖
–មើល៍ ! ប្អូន សាន តើឯងដឹងថាសពនេះស្លាប់ដោយសារលង់ទឹកដែរឬទេ ?
សាន ឆ្លើយភ្លាមថា ៖
–បាទ ! អ្នកគ្រូ ធម្មតាបើដឹងថាមនុស្សនោះលង់ទឹកស្លាប់ម្ល៉េះសមស្រែកអោយគេជួយបាត់ទៅហើយ ។
–អុញ ! មើលគេឆ្លើយ (អ្នកគ្រូលាន់មាត់)
នៅក្នុងសម្ភាសន៍ជាមួយនិស្សិត ដែលមានបំណងប្រឡងចូលមហាវិទ្យាល័យពេទ្យ លោកស្រីសាស្ត្រាចារ្យសួរសំណួរទៅនាងធារ៉ា ថា ៖
- មើល៍ ! ប្អូនបើប្អូនចង់ជាប់ជាគ្រូពេទ្យ តើប្អូនខ្លាចអ្វីជាងគេក្នុងចំណុចខាងក្រោម ៖
ខ្លាចម្ជុលចាក់ថ្នាំ
ខ្លាចវះកាត់
ខ្លាចខ្មោចអ្នកជម្ងឺ
ខ្លាចក្លិនស្អុយឆ្អាប
ខណៈនោះ ធារ៉ា ឆ្លើយភ្លាមថា ៖
- ចាស ! អ្នកគ្រូរាល់ចំណុចខាងលើទាំងប៉ុន្មាន នាងខ្ញុំមិនខ្លាចទេ !
អ្នកគ្រូហាក់ឆ្ងល់ហើយសួរតបទៅវិញថា ៖
- បើមិនខ្លាចចំណុចខាងលើ តើប្អូនខ្លាចអ្វីទៅវិញ ?
- ចាស ! រឿងដែលនាងខ្ញុំខ្លាចបំផុតនោះ គឺខ្លាចប្រលងធ្លាក់ !
- អូអ្ហូ ! ឯងឆ្លើយនេះពិតជាត្រឹមត្រូវហើយ ដូចនេះអោយឯងជាប់ស្វ័យប្រវត្តិតែម្ដងទៅ !
ក្រោយបញ្ចប់បាល់ទាត់ពិភពលោក មានរបាយការណ៍ដែលគួរអោយចាប់អារម្មណ៍របស់មន្ទីរពេទ្យមួយ ៖
ផ្នែកជម្ងឺបេះដូង ៖ មនុស្សឈឺស្លាប់កាន់តែច្រើន ព្រោះបេះដូងគាំងនៅពេលគាំទ្រក្រុមបាល់ទាត់ជម្រើសជាតិរបស់ខ្លួន ។
ផ្នែកកោសល្យវិច័យ ៖ អ្នកជម្ងឺត្រូវរថយន្តបុកព្រោះប្រញាប់ត្រឡប់ទៅមើលបាល់ទាត់ពិភពលោកតាំងតែពីក្បាលព្រលប់ ។
ផ្នែកប្រសូត និងគាំពារទារក ៖ មនុស្សស្រីមានការតាំងគភ៌ច្រើនណាស់ ព្រោះថាមានការស៊ុតបញ្ចូលទីជានិច្ច គឺក្នុងមួយប្រកួតទាត់ចូលទីពីពីរទៅបីគ្រាប់ឯណោះ ។
នរណាក៏ថារឿងនេះឆ្ងាញ់ដែរ!
នេសាទបានយកមកឆាក្ដៅ កង្កែបបោក ឆាគ្រឿង ញាត់សណ្ដែកដី…
ឪពុកបាននិយាយទៅកាន់ ណារី ជាកូនក្រមុំវ័យ១៨ឆ្នាំថា "ណារីថ្ងៃនេះពុកត្រូវទៅធ្វើការថែមម៉ោង កូននៅចាំផ្ទះឲ្យស្រួលបួលណា ព្រោះម្ដាយឯងក៏មិននៅ"។ នៅពេលឪពុកចេញទៅធ្វើការបាត់ ចោរមួយក្រុមក៏បានចូលមកប្លន់ទ្រព្យសម្បត្តិមួយចំនួនទៅអស់ ។ ឪពុកត្រឡប់មកវិញឃើញផ្ទះត្រូវចោរគាស់រលីង ក៏និយាយទៅកាន់កូនស្រីថា ៖
ឪពុក ៖ កូនមិនអីទេឬ? រួចចុះគ្រឿងអលង្ការចោរយកទៅអស់ហើយមែនទេ?
ណារី ៖ អត់ទេ! គ្រឿងមាសពេជ្រកូនលាក់បានល្អណាស់!
ឪពុក ៖ រួចចុះកូនឯងលាក់ទុកឯណា ម៉េចបានជាពុកមិនឃើញ?
ណារី ៖ គឺលាក់ទុកក្នុងខោទ្រនាប់នោះអី!
ឪពុកដកដង្ហើមធំ រួចនិយាយបន្តទៅទៀតថា ៖ "ម៉ែឯងមិនគួរទៅខេត្តសោះ ប្រហែលកូនឯង អាចលាក់គ្រឿងមាសពេជ្របានប៉ុណ្ណឹងទៅហើយ ចុះទម្រាំបើម៉ែឯងនៅ មុខជាលាក់បានច្រើនជាងនេះទៀត" ។
កូនប្រសារ ៖ លោកឪពុកក្មេកមានសំណាងណាស់ដែលបានប្រពន្ធដូចជាម៉ាក់ក្មេក ។
ឪពុកក្មេក ៖ សំណាងស្អីទៅ! ម៉ាក់ក្មេករបស់ឯងក៏ដូចជាប្រពន្ធរបស់ឯងដែរ ម្ងៃៗគិតតែពីរអ៊ូរទាំ រង៉ាំរង៉ូវស្ទើរតែប្រេះបែកដើមទ្រូងស្លាប់ ។
កូនប្រសារ ៖ គឺនែ! លោកឪពុកក្មេកមានសំណាងត្រង់ថា លោកឪពុកចាស់ហើយ នៅទ្រាំទ្រម៉ាក់ក្មេកមិនបានយូរប៉ុន្មានទៀតទេ ប៉ុន្តែខ្ញុំវិញនៅកម្មក្រាស់ត្រូវទ្រាំទ្រជាមួយកូនស្រីរបស់លោកឪពុកក្មេកយូរអង្វែងតទៅទៀត។
Cloggers Summit
ម៉ោងស្រុកខ្មែរ ៖